Aw Bethlehem khaw te tak te

Satu: Lalduhawma Chhakchhuak

Aw Bethlehem, khaw te tak te,

Hmun khawhar i ni a;

Zan mu chhinga i reh laiin,

Chung siar an liam thin;

I tuallai hmun thim ata,

Chatuan eng lo chhuakin,

Chatuan nghahfak leh zah ber chu,

I chhungah a thleng ta.

Mari hraichawi lo piang Krista,

An lawm van lengrualin;

Thlirin an veng, mak an ti hle,

Hring mi mut reh laiin;

An puang Nau Thianghlim pian thu,

Zing tian siar mawiten,

"Lalpa Pathian, ropui ber se,

Leiah rem leng rawh se."

A reh ngei e, zan khaw thiangah,

Thil pek hlu hlan laiin;

Van malsawmna a hlan Lalpan,

Hringfate thinlungah,

A lo kal thu sual faten,

Hre lovin, hai mah se

Thinlung tlawm tak inhawngah chuan,

Krista chu a lut thin.

Aw, nang, Bethlehem Nau Thianghlim,

Kan hnenah cheng ang che;

Kan thinlung chhungah lo piang la,

Sual zawng hnawl bo ang che;

Thinlaia'n a lo thang e,

Zai rem thiam van leng rual

Aw, lo kal la, min awmpui rawh,

Aw, Lal Immanuel.