Chhingmittui nen

Phuahtu: Zomuanpuia Chinzah

Satu: Johan H Lalmalsawmna

Thinlaina hian suihlung a leng thin e,

Hriatthiam theih loh hmangaihna a pil thuk lua em ni?

He thinlung hmangaihtu che hi,

Nang ngai hian chhingmittui nen i hmaah ka kun leh thin.

Kawlvalenchhamah te sirva ianga thlawkin lenthiam ila,

Tahchuan kan hlim lai ni te a vul leh angem?

Ka tan hmangaihna i vul tir leh dawn em?

I tel lo chuan he hmun hi a ruak a zau lua em mai,

Khuarei pawh hian min hnem zo dawn em ni le?

Zan tawngmang mawl nau ang nui dunin,

Runhmun lendun zai kan rel, aw, tawnmang mawl lunglen;

Ti zual tura'n maw khuanu ruat tidanglama,

Cham hlen ka nuam e, aw, theih chang nise.

He hringnun, aw, kan tan runhmun lendun,

Khuanu hian rem lo mahse;

Pialralah tal nang nen a rem ve se, duhthu ka sam thin a,

Beiseina nen kum sang tam, aw, ka nghak nang che.