Hostel run chhung

Phuahtu: Vanlalkima Sailo
Satu: Zohmangaihi (Seni Vangchhia), Zoherliani

Suihlunglenin ka dawn thin a,
Kan vangkhua sumtual zawng te;
Chhungkim te a dar ang lenna,
Tawn leh ni i awm ang maw?

Mahse, chung khuanu ruat zelin,
Ka bei ta'ng thlang kawr daia'n;
Hetah hrehawm tuar mah ila,
Ka tan kawl a eng mahna.

Khuang ruahsur van rang chhum pawl riai,
Thinlai tihnimtu mai maw?
A rem lawm ni chhemdam thlite,
Thinlai zing han chhem kiang rawh.

Hawihkawm lenrual an liam zo ta,
Kan Zoram nuam pan turin;
Spicer College hostel run chhung,
Poona tlang maw ka chan tawk?

"Ka tum nge ruh saruh" tiin,
Mizo val ka tlawm dawn lo;
Hnam dang tih theih ka theih loh tur,
Awm ang maw kei ka tawnah.