Ngaihlai kan bang lo

Phuahtu: C Sianglunmawii
Satu: Saidingliani Sailo

Fam zun ngaihin min phuar ka tanglaiah,
A zual thin mahriak awmkhawhar changin;
Hringmi anka hian a hril zo lo'ng,
A mak a na, hraiduh duat lai chan chu.

Khuareiin lunglen a hnem an ti maw?
Nang nghilh nan khuarei thleng hian a mawi lo;
A cham reng i sakhmelmawi chhingmitthlaa'n,
Ngaih lai reng kan bang thei lo che, aw bawihte.

Ka dawn thin sen nau i chan lai zawng te,
Mau rua iangin i lo tuai thar ve a;
I nun ze mawi leh fin, rualpawl thiamna,
A tawi mang e i vullai ni zawng te.

Thinlai thar i silhpuan ro thil thlirin,
A cham i anka nem leh nui mawi ri;
Lunglai min vaih tir i sulhnu zawng te'n,
Thamral maia'n zawng ka phal thei lo che.

I sakruang piallei daiah zal mahse,
I rauthla erawh chung Pathian runah;
I leng tawh sia maw min ngai lo te'n,
I ngai hian ka thlir thin khawpui mawi khi.