Raumi zun

Phuahtu: Abed-a & Sangtea
Satu: Effrada

Mampui, hmangaihna vang chuan,
Chun leh zua hmelma hrang te kan tuar chhuak thei;
Mahse, awmlai lian lo hran meuh chuan,
Khawvel rohlu, hmangaihna meuh pawn,
A dang zo si lo, a tawpna, aw, a na.

Khuanu ruat loh di ka chan hi maw,
Ka dawn sei ngam lo ve;
Duhthu tin samin tlai ni tla ka thlir vawng vawng,
Her chhuak leh se kan hlim lai,
A zual chuang ngei lunglen,
Ka dawn kir hlima kan lenlai ni,
Nang nena kan sulhnu zawng te kha,
Tah khua ti sei thlawntu.

Ka lo thlir reng thin che, Di,
Hringlang tlang atangin,
Kei min ngai a luaithli i nulin thinlai a hnim,
Sakruang chula len leh zawng ka chak,
Mahse, dan zawh rual loh Khuarel a ni.

Mate, bang tawh rawh, 
Pialralah khian,
Pu Pawla'n min hrilh, 
Inthen a awm tawh lo.