Darbiahnem

Satu: Guru Gee

Darbiahnem, i chhingmit lo len la,

Chawngtinleri ianga lungdumtu 

I sakhmel mawi leh i anka nem

Thinlai hnemtu

Ka liam hma ngei hian

Ka biahthudi hi

Chhawrhthlapui eng hnuaiah

Hlan che ka nuam

Thalbawm romei a zam riai e

Simeikhu iang in min zim riai e

I mawina hian aw darbiahnem

Buannel lasi kiangah lawi duhte

Fanau mal chawi tur hian

Mitthlaah mawi i zuna uai

Kei mi dawi à zo

Tiin zanmu ka chhing

Mahse tlaikhua a var mittui a far

Tawnmang mawl mai maw

Kei riangval chan hi

Kei vala salhmel thlir ve ang maw

Mahriak ten a luang 

Ka chhing mittui hi

Darbiahnem, mangrama chang mai tur 

Chuanin ka phal thei lo che

I tel lo va tlai ni len ahar

I zunzam a phuar kei vala hi

Lunglen a thar leh thin

Nghilhrual loh tawnmang lungruk pawh

I tel lo chuan ka di

Dam reng hian ka thi

I rauthla ka thlir 

Chhawrhthlapui eng hnuaiah

Min ngai ve ang maw

Mangtha mai aw Darbiahnem 

Duhaisamin ka thlir thin a

I rauthla pawh hi nitin a

Ka atchilh loh theih loh

'Duhlai' tiha koh theih loh

Thinlai lungdumtu

A rem dawn lo i zun

Tleitirah tleitiri a lawi zawh tawh khi.