I cham reng thin asin

Phuahtu: Lallawmkima (Sihphir Venghlun)

Satu: Lalsangliana (Taitea)

Nang ngei hi i lo ni e, nang ngei hi ka lungdumtu,

Nang nena lendun hun ka nghakhlel e;

Ka thinlai tihlim tura'n lo hnai rawh ka kiangah hian,

Tudang reng ka ngai lo'ng, hlim te'n i lengdun ang aw,

Biahthu di hlan che ka nuam ngei, i tanga bei chungin theih chang nise.

Ka hmangaih a che asin, lungrun,

Ka duh ber reng thin fo vang che;

Nang ang chhingzo tu dang reng ka tawng lo'ng he lei chinah,

Ka thinlai rukah i cham reng thin asin.

Dawn changin nang nen lendun hun tur chu ka thlir reng thin,

Engtin ngai ang che maw ka dawn lungruk;

I sakhmel ka tan lawmna, i sakruang mawina zawng nen,

I dawn lungruk min hlan la, thinlai ruk a hlim ngei ang,

Tudang reng ngai bik lo vin hlim tea lengdunin kumtluang atan.

Nang nen fanau maltluan chawi dun turin ka lo nghak che,

Hlim tea lendun hun thlir chungin;

Nang pawh e, rinawm takin lo awm zel la e,

Ka nghak reng nang che.