Phengphe khua

Satu: Zosangliani

Romei zam vel tlang lian sir bawm,

Sirva leng par tlan zawng te'n,

Hlim zai vawrin an chiar nghiang e,

Suihlunglen tizual renga'n,

Zolentu leh par thin thang bawm,

Ngai te'n an vul reng si e,

Aw, khaw nge thinlai min hnemtu,

Ka lei par mawi Rualkhumi.

Aw, ka ngai em mai, ka ngai thin,

Aitenawn par vul lenmawii,

Kum kha chen sul ang ka zui sa,

Khiangawiin mual a liam ta si,

Tunah tlei dang val vul mawia,

Ser chhawl ang a ban ta si,

Rairah riang lung ka mawl vangin.

Phengphe khua ka tlai zo ta.

Sulhnu, hmun hlui fan chang ni hian,

Berhva lungrual tlangsamah;

Lungdi chhai hlim te'n an leng e,

Kei ka lunglen dawn lo hian,

Tur nipui thlang tlai a liam a,

Chhawrthla zam kal thangvanah,

Siar leng nen lung an rualin,

Khuandim hnu khan thlir ve maw?