Khiangawi ta la

Phuahtu: Lilac

Satu: Lilac

Khiangawi ta la, ka khuavel a buai ang,

Tawrh a har dawn ngei, ka dawn lawk pawn;

Nang lo chu e ka lungdumtu ka tawng si lo,

Min nghilh lo'ng che, aw Mampui.

Khiangawi ta la, ka hlimna a bo vang,

Awih a har dawn ngei ka thinlai hi a na mang e;

Rairah ka chan tur hi dawn la, 

Ka lam lo hawi mai la, aw Mampui.

Khiangawi lo la, nang hmangaihtu che hi,

Min rawn vei ve la tiin duhthu ka sam thin a;

A thlawn mai an chang dawn em ni, 

Ka zawt a che, aw Mampui.

Khiang i awi tawh a, i hlim tawh ngei ang a,

Chhai ngam tawh lo tur intawn ni lo her ve mahse;

Ka thinlai rila'n ka vawng reng che,

Ka ngai em che, aw Mampui.