Ranthleng leh Kross (Christmas hla)

Phuahtu: Jonathan Lianhna

Satu: Jonathan Lianhna

Hunpui a lo her chhuak leh ta,

Chhungkima kan lawm thin Van Lal pian hun;

Sikni eng mawi leh van boruak thiang ten,

Khuavel ti vul mahse lung min len tir a, hmangaihte min ngaih tir.

Mahse, kan tum van nuam meuh pawh khian,

An Lal an chan a sin kan lawm ve theih nan;

Hmun tlawm ber maw kan tan a lo thlan,

Van Lal nau piang mawlh lunglai luah ber se. 

A ropui zia ka dawn fo thin,

Lei leh van inremna ranthleng leh kraws;

Van mi lungngaihna kha lei mi tan damna,

Mahse, heng hunah hian awm ve lo ngaiin thinlung a hnim fo si.

Sakhmel hlimin lang thin mahse,

Thinlung chhungril erawh a ruak fo va;

Hlim ni lo thleng pawh hian fam ngaih zual tir a,

Mahse, ka dawn chiang a kei ai hian van khi an lo lungngai zawk si.

Kei nin kan tum van nuam meuh pawh khian,

An Lal an chan asin kan lawm ve theih nan;

Hmun tlawm ber maw kan tan a lo thlan,

Van Lal naupiang mawlh hian lunglai luah ber se.