Ka ngai em a che

Phuahtu: Mangheta Jahau

Satu: Mizoram Synod Choir (2022 - 2024)

I hmangaihna chanchintha hi hril zel tur hianin,

Ka theihna a tlem si a, ka zam thin mang e;

Mahni inhmangaihna ram ata min hruaichhuakin,

Nangma tana mi hlang ni turin min pui ang che.

Hun leh nite an lo ralin an liampui zel e,

Kan vanglaini leh kan theihlai hun tha zawng te;

Kan thawh loh avangin thlarau bo chhiar sen loh,

Nitin kumtin mai hianin an boral e. 

I malsawmna dilin ka hun ka lo hmang thin a,

Chhanna erawh tuarna hmangin i lantir a;

Nun tam kan neih theih nan ka ke min tibai a,

Jakoba Pathian ngei chu ka chakna ilo ni.

Tuarna hliam pem nei lote'n tidamtu an ngai lo,

Felna chhuanga rawngbawltute'n an ngai lo che;

Sakhi luite tui chak thaw huam ang mai hianin,

Tui nung lui, aw Isu, kei ka ngai em a che.