Ka suihlunglen

Phuahtu: LH Mawia

Thluk siamtu: Puia Colney

Satu: Vanrammawia (Vra)

Thinlaih i cham reng thin,

Eng dang ka dawn thei lo;

Thinlaina dam nan lam ang lo let la,

Engtikah nge maw i lo kir leh ang?

Ka suihlunglen min hnem thei tur,

An awm mawlh lo, nang lo chu;

Hmangaihna biahthu kan inhlan zawng te kha,

Mual liam tur chuan ka phal thei mawlh lo.

A na ngei e, i zun ngaih,

Nghilh ni reng i awm lo,

A riang val thinlaina lo hnem ta che,

I zun ngai hian chhun leh zan ka chhiar thin.

Hnem thei dang an awm nem maw,

Chhing mitthlaah i cham reng;

Enchimloh di, sakhmeltha par mawite,

Sul ang herin lo kir leh hram rawh aw.

I suihlung her nghakin,

Hun leh ni ka chhiar thin;

Nang nen run hmuna leng dun turin,

Lo kir lul rawh, lo kir rawh.