Lawmna chhimbal

Phuahtu: Dr. Ramdinthara Sailo

Satu: Haulawng Pastor Bial Zaipawl (2023-2024)

Hringnun kan khualzinna ram zauvah hian,

Cham hlen tur iangin ka muang fo thin a;

Mahse, he lei hi ka in a ni lo,

Ka ram hlun tur, aw, ka ngai zual thin e.

A rei tawh lo'ng e, ka khualzin kawng hi,

Hmangaih Lal hnen chu kan thlen hun chuan;

Sual vanga lungngaih, mittui zawng hi,

Lawmna chhimbalah a zam ngei dawn si.

Khawvel tih dana tithei ka ni lo,

Mi neih ang nei tur ka lo ni nem le;

Khualzin mai ka ni ka chawl muang hman lo,

Ka Pa ram eng mawi ka thlen hma loh chuan.

Hnehna hla sain ka kal zel dawn e,

Ka rin Lalpa chu ka hriat avangin;

Hrehawm leh tuarna a lo thlen pawhin,

Ka Lalpa hmaa ka lawm tizualtu.