Luaithli ka nul leh thin

Satu: Lalrindiki Khiangte (Daduhi)

Dawn ngam ngai loh awmlai lo hran vang hian maw,

Duhlai zuapa, thlafam i chang mai hi;

Kan la tiam lul lo asin thinlairil min fan ngei e,

Aw, engtin hian tuar ang i maw nang ngaih hi?

Kan hlim lai ni a tawi lua e,

Chhungkim dar ang kan lenlainite;

Kohkir theih an chang tawh si lo,

Nang ngai reng reng hian e, luaithli ka nul leh thin.

Chhingkhual chan chhung a rei ta lua em ni le?

Zuapa, fam dairial i lo chan mai hi;

Hrilh ka va'n hai em ve le, ka tuar nem thei dawn si lo,

Ka tang bei lo va fam changa'n ka phal lo che.

I tel lo hian nau ang tlei a har ngei,

Kan run in chhung hi a ngui ruai e;

Kan au ruai ruai zel nang che, tah lai hi kan bang thei lo,

Thinlai a zing, lung lam kan vai i hrailengte.

Kan nghilh lo'ng che, khuarei kumsul vei mah se,

Kan chhui zel nang e, i sulhnu zawngte;

Mahse maw an chang leh thin, nang ngaih tizual mai tura'n,

Ka zuam mawlh lo i tel lo va ar ang vaih hi.

Aw, then tawh lohna ram mawi kan thlen ve hun chuan,

Chatuanin hlimin kan leng za tawh ang.