An lungawi lo

Phuahtu: Rev. VT Kappu

Lettu: PC Lalneihtluanga

Satu: Twelve Sixteen

Sual indonaah Van Lal nau chuan,

Hlinglukhum a khum tur chu a thlir a;

Lungngai takin a tawngtai a, a thlan thisen angin a far,

Gethsemane-ah hnungkhirhin an man Israel te'n.

An lungawi lo, an lungawi lo,

Israel te an lungawi lo;

A chungah chhuanlam an siam a,

Mipuiin an ngen, Pilata'n a pe khenbeh turin.

An Lalpa an hnawl Israel ten,

Kalvari tlang chungah an khengbet a;

A chun nunnem riang Mari chu a hrai bung dawntuai a fam chuan,

A lai a na an ti, Lalna ram kalsan kan Lalpa chu.

Chu ni lungngaihthlak thim hnuaiah chuan,

Kan Lal nunnem thlarau a kal ni khan;

Jerusalem-a temple-ah puan zar ropui chu a thler chhuak,

Lirpui a nghing e, mi thianghlim thlarau chu a kir ta.

A hun ta, sual indona bang r'u,

Khawvel ram hi Lalpa leh Krista ram;

Sual indona hnehtu Lal lian thisen hluin a tlan zo ta,

Kalvari tlang chungah inremna Lal hmel chu a chuai ta.