Ka theih tawk

Phuahtu: Jt. Production

Satu: Jt. Production

Inkawp tur ni ve lo nang leh kei hi,

Ralkhat atang thinlung inzawm siin;

Lak hran theih loh, mahse, inhnaih thei chuang si lo,

Hlat che tum ila ka tel lo va i hlim tur, ka thlir ngam lo ve.

I thinlungah tal ka cham ve anih ngai chuan,

Chu chu ka tan hlimna a tling, ka tan a tawk;

Duhthusam tak ram chang lo tur beisei ai chuan,

Ka theih tawk i hlimthla hlimpuiin ni ka chhiar ang e.

A tu'n lo sel lo se, a mawi loh pawhin,

Hrethiam se kan hmangaihna thuk tak hi;

Ka theih chhuna i kiang ka awm hian, bawihte,

Hriatthiamna thinlungin nang pawh tiamin min thlir vek thin se ka ti thin.

Ka tan awm reng tur chuan ka ngen ngam lul lo che,

Mahse, a chang chuan min dawn ve thin la;

Keipawn ka damchhung zawng ka nghilh lo'ng che,

Zantin i tan tiin zai hla sain ka ngai reng fo vang che, chan loh di te.