Lunglen mittui

Phuahtu: Roluahpuia

Satu: Roluahpuia

Suihlunglengin tlang tin ka chuan,

Saw tlang romei zing ri riai kara'n;

Hlim te'n laitual a leng, ka duhlai tleitiri'n,

Theih se huiva leng iangin thlawk ila,

A zalna laikhumah hlim te'n,

Hmangaih biahthu annem te'n hlan ka nuam,

Hmm...hmm... hlan ka nuam.

Suihlunglengin sulhnu ka chhui,

Rauthlaleng leh i hlimthla chauh maw;

Tawn leh ni her chhuak thuai se,

Nang ngaih lunglen tah ka bang ngei ang,

Mualhla kar danah leng mah la,

Bawihte, i tan 'Superman',

Leng dang bemna anka zawng bawihte, sira hnawl dunin,

Hmm...hmm...sira hnawl dunin.

Suihlunglengin mittui a luang,

Duhlai, aw, ka ngai em che;

Tawn leh ni tur thlir zelin,

Rinawmna kan tiam vawng zelin,

Khuanu malsawmna zarah duhaisam, aw, a kim ngei ang,

Hmm...hmm...aw, a kim ngei ang.

Ka hmangaih, aw, ka enchimloh,

Ka ngaihtuahna, ka nunna, ka hlimna;

Ka tan par ang vul zel la,

An sawi pialral ram thlen thlengin,

Hmm...hmm...aw, ka ngai em che,

Hmm...hmm...aw, ka ngai em che.