Hual lui hram rawh

Satu: Vulmawi

Dite, i lenna thlang kawrvaiah,

Kar lam a hla, ngaih i zual e;

Aw, ka lungdite kha, 

Sakhmel tawn loh ni rel a rei.

Di ngai reng a, chhawl ang uai hi,

A har ngei e, hellai mi u, a har ngei e.

Suihlunglen a har zual changin,

Ka thlir vel a, a lang lo tlangah;

Aw, ka lungdi, i lenna,

Nichhun awmhar suihlungleng hi.

Thlunglu a hai, tuar i har e,

Ka di mengmawi, i zun thing ngaih hi tuar a har ngei.

Chhingmit rauthla, dite, i hnenah,

A leng vel e, insumtualah, aw, a leng vel e,

Aw, chung khuanu hual lui hram rawh,

Runlum nuthai lum chang tia aitenawnpar,

Vulmawi te kha hual lui hram rawh.

Di ngai reng a, chhawl ang uai hi,

A har ngei e, hellai mi u, a har ngei e.

Aw, chung khuanu hual lui hram rawh,

Aw, chung khuanu hual lui hram rawh.

(He hla hi youtube a video ngaithla chunga kan chhut chhuah ve tawp a ni a, a dik lo lai deuh te pawh awm thei a ni a, a dik zawk hria chuan comment lamah emaw kan e-mail: mizohlathu@gmail.com lamah min rawn hrilh ula, kan  lo siamtha dawn nia.)