Ka khuavel i ni

Phuahtu: Tlanmawia Ralte

Satu: Duhzuala Chhakchhuak

Chung siar leh chhawrthlapui thangvan mawitu,

An mawi chuang e thlir velin, iang zo awm maw;

Van dumpawl leh tuifinriat, tlang tin te nen,

Siamtu lungdumtu a duhaisam an ni.

Mahse, ka tana mawi ber ka duhaisam,

A iang zo reng e siamtu a duang lo;

Thangvan khumin kawl hel ila,

Ka tawng lo'ng e, nang chhingzo,

Ka tan par mawi ber i ni, nang vangin ka khuavel a par,

Ka lungawina engkim neitu, ka beiseina famkimtu chu,

I kiang lo va len zawng ka zuam lo,

I tel lohna hringnun ka cho lo,

Ka thlah phal loh, ka hmangaih, ka khuavel i ni.

Fur khawthiang leh thal romei, sikni eng mawi, 

Thing tin zar leh sa tinreng, chung sirva nen;

Lunglai luahtu hringmi zaleng zawng te'n,

Siamtu lungdumtu a duhaisam an ni.