Ka rinawmpui

Phuahtu: Zaii Hauchhum

Satu: Zaii Hauchhum

Chawnbana vuana inpawmin,

Chhingmita en chunga dam tein biahthu min hlan a;

Min tiam rawh, duhlai, min tiam rawh,

Kar hla vangkhaw pela i liam hunin,

Ka ta chauh ni la, ka tan chauh lo haw leh rawh aw.

I sakruang mawina hai rual loh,

Ka thinlung damna ka thlah phal loh;

Par mawi ber pawh thliaka min hlantu,

I rinawmna chauh pawh ka rinawmpui.

Suihlunglena awm khua a harin,

Kawptea lenrual an chai niin;

Hria la maw bawihte,

A rei tawh lo'ng, a rei tawh lo'ng,

Ka lungdumtu, i lung ka dum chhung chuan,

I ta ka ni, a zawng aza hianin ka hmangaih che.

Liam tur chu liam mai rawh se, nunhlui rualin,

Lam ila ni mai lawm...

Suihlunglen titamtu i sakhmel mawi,

Hmangaihna hrilhfiahtu i hmangaihna,

Aw, ka tlawm, ka tlawm vawng vawng thin,

I chhingmitmeng mawi vang hian,

Zun tam, ka lungrun, thlir nuam, ka hlimthla mawi,

Duhthu ka sam leh ta, lawm loh hian ka hlim vawng vawng e.