Ka tuiral

Phuahtu: Olaftea

Satu: Rosalind Khawlhring ft Olaf Tea

Kei aia hmeltha leh fel tak tak chu an tam a,

Mahse, kei chauh min thlang si,

Mi hausa reng a duh lo, hmelthat mai pawh hi a tawk lo,

Kei chauh min thleng ve a sin,

Pian nalh leh keia  hmeltha paw'n min tluk lo,

Mitmeng mawite, min melh danah kei lanu hi ka tuiral hneh.

Nang aia hmeltha leh fel tak tak chu an tam ang,

Pian nalh leh a lian tur lai lian te, lai la duhawm tak tak te,

Mahse, anni chu maw an tha thlawn, an tha thlawn,

Thlan ber chu i ni tawh, i ni tawh,

Leng dang chu biak a thiang lo a nia,

Rinawm tak khan lo awm zel rawh aw.

Nang ngaia lunglen zawng bawihte, ka zuam lo, ka peih tawh lo,

Chung thangvana Khuanu khian kan tan hun ruat ve tawh se,

Pangpar leh khuai te kawp tura duan ang hian,

K Hminga ang lo takin keini pahnih chu kawp tura duan.

Kei aia hmeltha leh fel tak tak chu an tam a,

Mahse, kei chauh min thlang si,

Ka thlang che, ka thlang che,

Thinlung hliam a dam vek i tan,

He lei vanramah an chang tep,

I kianga awm a nuam hrehawm pawh ka tuar huam,

Nang nen a nih phawt chuan eng thil pawh,

Ka tuar chhuak dawn tih hi ka chiang bawk.

Bawihte, nang nen chuan doral tam tak karah pawh,

Kan kut inthlah lo ang aw, engtik lai paw'n i chelh tlat ang.

Kei aia hmeltha leh fel tak tak chu an tam a,

Mahse, kei chauh min thlang si,

Mi hausa reng a duh lo, hmelthat mai pawh hi a tawk lo,

Kei chauh min thleng ve a sin,

Pian nalh leh keia  hmeltha paw'n min tluk lo,

Mitmeng mawite, min melh danah kei lanu hi ka tuiral hneh.