Lei vanram

Phuahtu: Mendal & Ben Opa

Satu: Mendal & Ben Opa

An sawi buannel ram dai hlobet hring dup,

Hmunah nang nena tualchaia nuiin;

I hringnun kha siam ang che, bawihte, lungphang lo la,

Hmangaihna tawp chin nei lo i tan ka nei.

Chhawrthlapui leh siar te'n piallei an en chhung chuan,

Kumtluangin thlah lo turin ka vuan ang che;

Vang khaw zawl mawi turin lo vul zel la,

Nang leh keiin luaithli nul pumpelh turin lei vanram siam ang.

Thangvansang khi han thlir la, sirva zalena leng khi i hmu thin em?

An ianga nang nena zalena len ka nuam;

I lungngaih ka hnen thlen la, 

Khandaih hriam tawn ngai pawh nise ka huam i tan chuanin.

Lem ang min der dawn lo ka chiang,

I thawi dam thin ka thinlung hliam;

Ka riangin luaithli nulin ka inring lo i kiangah,

Hmangaihna kan karah a piang.