Sakhmelmawite

Phuahtu: Sangtea

Satu: Lungmuana Chhangte

I sakhmel mawi thlir nin a har ngei e,

Ai ang i cham ka thinlai ruka'n;

Theihchangse ka tan han vul mai teh la aw,

Tu dang ka'n ngai bil lo'ng e.

I sakhmel dar tui ang luan chuan,

Thinlai a luah zo ngei e;

Duhthuleng han sam changte hian maw,

Ka thlang ber che run rem puia'n.

I anka nem leh nui mawite kha,

Mitthlaa'n a cham ngaihlai bang lo;

Hun hian engtin herchhuah pui ang maw kan nun,

Suihlung i dum zo ngei e.

Khuanu'n engtin hian duang bik che maw,

Thlir nin i har ngei, sakhmelmawite;

I liam mai tur dawn chang hian hrilh a hai ngei,

Nghilh ni bang hian ka ring lo.