Nunhlui

Phuahtu: Sangtea

Satu: Muanpuia (Dreamhunter)

Nunhlui dawn kir chang hian,

A thar leh thin kan lendun lai zawngte;

Hunin liampuiin a thamral mai maw ka lo ti thin a,

I zunleng ngaih a na ngei e.

Tawn leh ni reilo tea'n, biahthu di kan inhlan a,

Lunglai a thar nang ngaih tizual maia'n;

Mual za tam i liam leh si maw?

Ka ngai em che a sin, mi u.

Duhai ka sam leh thin, 

Hun liam tawh te kohkir leh theih chang se;

Ka tangah bei lehin ka hmangaih che, ka duat ber che ti a'n,

Ka thai han chang mai teh la aw.

Khuanu remruat dan rual a ni si lo,

Theih chang se, inthen leh tawh lo turin;

Ka tan vul reng mai la aw.