Lalpa sawmna

Phuahtu: F Lalremkunga

Satu: East Lungdar Kohhran Pavalai Pawl

He khawvel hun hi a danglam zo ta,

Suahsualnate pawh a lo pung zel ta si;

Buaina thawm thang rite a zual zel dawn a ni,

Aw unau, Lalpa sawmna che hai der lul suh.

Hmanhmawh la, hun tha i neih lai hian,

Ni tha lo a lo thleng thuai dawn si;

Zan thim a thlen hun chuan inchhir a sawt tawh lo'ng,

Aw unau, Lalpa sawmna che hai der lul suh.

Thil dang zawng aiin Krista chu thlang la,

I mamawh zawng zawng a hnenah chuan a kim;

Kal la, a hnenah chuan a lo ngaidam ang che,

I thla hliam hnu pawh siamtharin a awm leh ang.

Lalpa malsawmna ruah a lo thlen lai hian,

I sualna zawng nen Krista chu pan thuai rawh;

Lalpa sawmna aw nem i hawisan a nih chuan,

Koh luihna aw chu i chungah a thleng ngei ang.

Rin vangin harsatna lo thleng thin mah se,

He khawvel lei in hi tihchhiatin awm mah se;

Kan Pathian rin hian a tiam thlawn mawlh lo vang,

Kan hrehawmna chuan lawmna par min thliah tir ang.