Thurochhiah

Phuahtu: K Hminga

Satu: K Hminga

Fam mai tur damlo te chuanin thu hnuhnung an rochhiah thin,

Kei ka thu hnuhnung ve tur chu;

Ka thawk tawp thlengin ka hmangaih reng ang che,

He kan nun damlo hianin hriatrengna kil tin a hrut a,

Thamral hnu kan nun ka hriatrengna hi;

Ka thawk tawp thlenga ka vawn reng tur chu.

"Thihna chauh lo chuan min then lo se,"

Tiin thu kan tiam a, mahse, thihna lo chuan min then ta si a;

Kan lei nun lo hrang mah se, ka thinlung ata hi zawng,

Thinna chauh lo chuan min then chuang lo'ng e.

Hmanah khan hrangmi Samsona khan,

A hun hnuhnung a vui liam dawn khan;

"Vawi khat chauh" tia a Lalpa hnenah chakna a dil khan, a Lalpan a pek kha,

Keipawh hian ka dam ni a tlak hma hian,

Nang nena kan vul leh nan "vawi khat chauh" tiin 

Samsona Pathian chu han dil ve ila, engtin min chhang ve maw?

"Thihna chauh lo chuan min then lo se,"

Tiin thu kan tiam a, mahse, thihna lo chuan min then ta si a;

Kan lei nun lo hrang mah se, ka thinlung ata hi zawng,

Thinna chauh lo chuan min then chuang lo'ng e.

"Thihna chauh lo chuan min then lo se,"

Tiin thu kan tiam a, mahse, thihna lo chuan min then ta si a;

Kan lei nun lo hrang mah se, ka thinlung ata hi zawng,

Thinna chauh lo chuan min then chuang lo'ng e,

Kan lei nun lo hrang mah se, ka thinlung ata hi zawng,

Thinna chauh lo chuan min then chuang lo'ng e.