A rei si lo

Phuahtu: Zonunsangi (Sangtei)

Satu: H Lalrempuia

Tuantul vangin mual za kar danah,

Pheilai i vawr, rual kan ban ve nan;

Mahse, awmlai nunrawng hrang chuan,

Dairial a chantir ta che maw?

I sakruang tal chul phak ila,

Ka thinlai na a dam deuh tur;

I hlutna ka tan a la ngai reng,

Nghilh ni reng ka nei lo'ng che.

Tawn loh kar chhung mah a rei vei nen,

Kumtluanga sam ang inthen tur chuan;

Ka zuam lul lo, i sulhnu chhui hi,

Thlafam chan ve ka nuam ngei e.

Damlai khawvel i chhuahsan ni khan,

I lenrual lungduh te an kim ngei;

Nuthai leh naufa chawi lo rengin,

Thlafam vangkhua i lawi ta si.

Khuanu ruat kan nih si loh chuan,

Khuanun enga'n min lo duan le?

Hmangaih par lawm chhung a rei si lo,

Ka ngai che, ka ngai em che.