Ka di te kha

Phuahtu: Jt. Production

Satu: Jt. Production ft. Lawmi Chhakchhuak 

Hringmi thawnthu zaiin ka hril dawn e,

Vaivut atangin bul kan tan a;

Kan tana hlu ber chu nu hnuntui ngei,

Kan seiliana thil hlu a dang ta.

Tunah erawh ka hlim chhan a dang a,

Ka ngaihhlutte pawh an danglam zo ta;

"Eng nge ka hlim chhan?" tia min zawh chuan,

Amah a ni, aw, ka di te kha.

Hlim nite hian ral ni an nei thin,

Chutin kei pawh hlim ni chu ralin;

Ka ngaihhlut ber chu danglam lehin,

Mahse, tun tum chu ti hian a ni.

Kei chu ka danglam lo, ka ngai reng,

Ka hmangaihnain a thlir reng a che;

"Tu nge danglam chu?" tia mi zawh chuan,

Nangmah i ni, aw, ka di te kha.

Hringmi thawnthu khaikhawmna chu,

Hmangaihna hian thil tam tak a keng;

Hlim leh lawmna, tah, lungngaihnate,

Min hriattirtu, aw, ka di te kha.

woo..woo..woo..woo..woo...woo..woo..

woo..woo..woo..woo..woo...woo..woo..

woo..woo..woo..woo..woo...woo..woo..