Ka run in i ni

Phuahtu: Fakriel

Satu: Fakriel x The Radio

Aw, val tin i hen lo, ka hai lo,

Val tin lei ro sum i khum lo, a pawi lo;

I suihlung hmangaihna sang tam man,

Ka tan vana rah tha mi,

I neihchhun min hlan a.

Chutichuan, i kiangah ka awmin,

Hmangaih chenna run in sang min pe;

I duhaisam ber, aw, lo niin,

Ni tha lo leh zan thim a eng e,

Kan tawnah vanpui pawh lo thim se,

Rimawi tinkim pawh lo chuai mah se,

He hringnun damchhung tawiteah ka nei tawh che,

Ka vanram i ni, ka vanram i ni,

Ka vanram i ni, ka vanram i ni.

A mi u'n, "I dawn tawi lua, Pari,

I tan rang ka nei thami,

Valdang an tam" min ti,

I tel loa hringnun zawh ai chuan,

Aw di, fam fuanna khawpui,

Lawm takin zawh nang e.

Hmeichhe tam tak khawsak tha an awm ngei,

Mahse Di, nang chuanin i khum ngei e,

I biahthu min hlan zawng, aw, ka lawm ngei,

Ka hringnuna thil thleng tawhah, aw, i tha ber e,

Oh! Ka vanram thilthlawnpek, aw, i ni ngei e,

Tin, he thu hi insit tak chungin, aw di, ka hlan che,

Kumtluanga ka thai chang turin ka sawm che,

Hmangaihnain min lo hmuak a, min lo pawm ka ngen e.