I rem tawh si lo

Phuahtu: Lalengmawii (Nu-i)

Thluk siamtu: J Lalthlengliana (Tete-a)

Satu: J & J

Dia ka tawn ka hmangaih ber duhlai,

Nang nen runhmun lengduna fanau mal tluan chawi a;

Damchhung nite hlimten kan rel laiin,

Fam rihsang mual min liam san ta si maw?

Aw, theih chang se, lam ang lo let leha'n,

I thai leh hrailengte'n kan au che;

Kan zuam nem maw nang lo damchhung hman hi,

Famkhua hnutiang chhawn zai i rem tawh si lo maw?

I tel lo va damchhung ni kan chhiar tur hi,

Ka dawn sei ngam lo a na, mahriak hraileng chawi chu;

Thinlai a zing, lung lam ka vai ruai e,

Min dawn pui lo vem ni, hmangaih zuapa?

Duhleng ka sam nang ngaih luat vang chein,

Tawnmang mawl mai lo ni se nang lo tlaini len hi;

Chutin hai ang thangin i tanglaiah,

Buan ang pawmin ka tah lai ka bang mai tur.