Krista nen kan inzawm (Sakramen)

Phuahtu: Chris MS Dawngkima

Satu: JB Acapella

He chhang hian inpekna kim a hril,

Hmangaih sawisen rual loh;

He no hian thisen luang a hril,

Khawngaih mawi leh duhawm.

 

A thar, khawngaih kan dawn,

I maicham kan hnaih hian;

Kalvari tlanna kan chhiar nawn,

Krista nen kan inzawm.

Krista thisena tlante kan ni,

Khawngaihin min phuar khawm;

Chhang leh wine a thu kan thlun hian,

Taksa, Thlarau a dam.

Kan chante vangin lawm hla kan sa,

Beisei eng mawi kan chhi;

I zawmpui pengten rah kan chhuah,

Kohhran a ding nghet ang.