Min dawn ve thin che maw

Phuahtu: Manuni

Satu: H Lalrempuia

Turnipui pawh mawi te'n thlang lenkawla'n a her liam dawn e,

Va kal ta la, ka suihlunglen akiangah; 

Zankhat tal va riak ang che;

Chutin lungdam te'n zanmu ka chhing ngei ang.

Enga'n nge maw dar ang kan lo intawn,

Tah khua tiseitu a lo ni e;

Nang nghilh zai ka rel thei lo,

Aw Di, min dawn ve thin che maw?

Chhawrthlapui pawh mawi te'n a lo eng e, chung thanvansanga'n,

A riang chan tur dawn lo te'n maw;

Thinlaiah nun hlui min ngaih zual tir e,

I hlui thei mawlh lo, mi u, ka ngai thin che.

Kimte'n ka han dawn a suihlungruala kan lenlai nite,

A tlang, mual mah a dang si lo;

Ngaiin au mah ila kir an rel lo,

Romei iangin maw an thamral zo ta si.