Tehkhinna

Phuahtu: John Mawitea & Mapuii Fanai

Satu: Diki Renthlei (Khawbel)

Kumtluang atan kan intiam tawh kha,

Ka hlimna hliamin ka duhthusam min laksak lo la;

Ka suangtuahna zawng zawng thuhnuntu,

Ka lungril innghahna i ni si,

Ka khawvel leh ka zan mangah lo cheng reng ang che aw.

I tehkhinna ramri kham sa,

Chhan leh vang awmin min hmangaih suh la;

I tehkhinna mitin min thlir lo la, 

Hmangaihna mitin min thlir zawk la,

Kei zawng e, tehkhin ka dawl ve dawn si lo,

Tehkhin lo vin min pawm mai la.

I tel lo chuan nun a kim thei lo,

Lawmna pawh hlimna tel lo chuan a khingbai asin;

Ka thinlungril kawltu i ni,

Kei pawh i thinlung kawltu ka ni,

A neitu dik leh rinawm nih ka duh damchhungin.

Nang hmangaih hi ka inchhir lo'ng,

Nang pawh i inchhir ka ring bik lo;

Mahni innghilhin i lam chauh ka ngaihtuah.

I tehkhinna ramri kham sa,

Chhan leh vang awmin min hmangaih suh la;

I tehkhinna mitin min thlir lo la, 

Hmangaihna mitin min thlir zawk la,

Kei zawng e, tehkhin ka dawl ve dawn si lo,

Tehkhin lo vin min pawm mai la,

Nang nen hlimte'n  i leng dun ang.