Beisei bo

Phuahtu: Aengi Royte

Satu: Aengi & Rosalyn

I thinlai lungril hre lovin,

Beiseina mawlmang mai maw ka chan;

Hun leh ni tam tak liamin,

Beidawnna nen maw ka thlah tâk che.

An sawi kawp rem tura duan,

Kan nih ve theih ngai dawn si loh chuan;

Khuanu puihna dil chungin,

Nghilh ni i awm ve ngei ang.

Hai hian ka ring bik lo che,

He thinlung neitu i ni tih hi;

I lung dum zoa'n ka theih tawk a tling zo lo maw?

I zûn ngaih lunglen reng hi,

Hunin a liampui theih beiseiin,

Damchhung ni chhiar dan ka zir zawk mai ta’ng e.

Thawnthu ngaihnawm nei ila,

Tia suangtuahna ka sen ral te'n;

Tak ram thlen zâi an rel lo,

Ka ngaih bân che a tul ta e.