Hmeltha zun

Satu: J Lalremruati (Sentei)

I sakhmel tawn changin lungruk a hlim thin,

Dawn tisei thlawn atan ka phal lo che;

Sakhmeltha dang pawh tawng leh mah ila,

Lung ka chhir lo'ng ka duh luat vang chein.

Oh..oh..hmeltha zuna uai zawng a na mang e,

Thinlaiah i hlui lo, i thar reng si;

Awmhar suihlung min hnemtu di nen ngei,

Fanau maltluan chawia laikhum zal dun,

Zai rel ka nuam tawh zawk e.

Dawn lungruk biahthu ril hlan che ka nuam e,

Nang nen kumtluang rinawmna vawng zelin;

Damlai hringnun hlim ten chen dun ang hmiang,

Khuanu ruat ka tawn di lo ni la aw.

Ka hmangaih, ka duh che, bawihte min tiam kha,

Thalfam chan hma loh zawng thinlaiah hian;

A dai tawh lo'ng biahthu di min hlan kha,

I zunah chhawl ang uai a na ka ti.

Leng dangte chu sirah hnawl zelin ka tan,

Kei min tlang zawk la lawm a kim ang;

Thaleng dang tawnah lung her mai lo la,

Nang nen inthen lo'ng, Di, kumtluangin aw.