I do tlang ang u

Phuahtu: C Lalawmpuia (C Awma)

Satu: LPS Youth Icon 2024 Top 10

Han dawn ve teh, kan Zoram nun zia hi,

Kan Zonun kung a uai zo ta maw?

Doral sahrang hmaa zam ngai lo kha,

Ruihlo tawna'n a tlawm lua em ni?

Ram tin kil tin a fang, aw, a rawng lua e,

Thliar bik reng a nei si lo;

Harhin tho thuai ang aw, chhan tlak an la awm,

Kan ram, kan hnam boral tur i phal em ni?

Chhak, thlang, chhim leh hmara Zofa leng zawngte,

Suihlungrualin insuihkhawm ila,

Khai aw, thang leh thar lanu val rualte, 

Kan zam mai dawn em ni, sual doral tawna'n,

Puanven sawi chhingin phei khai i vawr ang,

Kan ram, kan hnam hmelma ruihlo chitin reng hi i do tlang ang u.

An liam zel e, aw, dan rual loh vin,

Thihna thlan thim an pan zel e;

Phengpheleng khua kan tlai mai dawn e,

Muang lo vin i bei zel ang aw,

Hmun tin, kil tin a fang, aw, a rawng lua e,

Thliar bik a nei si lo,

Harhin tho thuai ang aw, chhan tlak an la awm,

Kan ram, kan hnam boral tur i phal em ni?

Chhak, thlang, chhim leh hmara Zofa leng zawngte,

Suihlungrualin insuihkhawm ila,

Khai aw, thang leh thar lanu val rualte, 

Kan zam mai dawn em ni, sual doral tawna'n,

Puanven sawi chhingin phei khai i vawr ang,

Kan ram, kan hnam hmelma ruihlo chitin reng hi i do tlang ang u.

Aw, kan ram neih chhun, hetah kan la awm e,

I tan, i hmaa ding turin;

Hnehna puan pharhin hlado kan chham ngei ang,

Siamtu'n kan hma a hruai zel e.

Khai aw, thang leh thar lanu val rualte, 

Kan zam mai dawn em ni, sual doral tawna'n.

Khai aw, thang leh thar lanu val rualte 

Kan zam mai dawn em ni, sual doral tawna'n,

Puanven sawi chhingin phei khai i vawr ang,

Kan ram, kan hnam hmelma ruihlo chitin reng hi i do tlang ang u.