Siahthing par

Phuahtu: C Zoramliana

Satu: Bungtlang Bazar Branch YMA Zaipawl

Awmhar lunglen changin ka thlir thin kan tuanna tlang,

Hmanah tukloh ram nuam nungchaten hlimtea tual lenna;

Tunah e, zamual an liam zo ta.

Nunkhua a ngui ruai e, kang mei sen vung lo hrang e,

Dan rual a ni si lo, luaithlinul chung hian ka thlir thin e;

Engtin lo ngai ve maw rualduhten?

Kan ram mawi siahthing tin par vulna,

Nungchaten hlimtea zai vawrna;

Khuah tuahrem sa kan ram riangte hi,

Chul leh uai mai an ka phal lo che.

Damna biahthu hrilin khuatin chuanin fan ka nuam,

Tlang tin mual tin khawkin;

Nungchaten laitual an len leh nan,

An nun khua muangten lo hmang leh se.

Chhuihthang val rual zawng leh leng zawngte ka sawm vel e,

Kan rama rohlu ber thing leh mau humhalhin i tang ang u,

Chutin ram chul hnu a vul leh ang.