Thiannu Ngurpuii

Phuahtu: K Hminga

Satu: K Hminga

Thiannu Ngurpuii, i dam thin maw?

Kan inkar hi i dawn ve thin em?

Thiannu Ngurpuii, nge, ka di zawk?

Keimah vanga hliam tam tak tuartu,

Kan intawn hun a fuh loh vang nge,

Lung lam dam lo va kan awm tak le?

Thiam lohna zawng zawng kei min bel la,

Thinrim anka pawh min hlan rawh.

Aw, ka duh ber leh damlai ro, nang i ni,

Min tiriangtu leh kan natna pawh nang i ni;

Mah se, Ngurpuii, nang nen chuan maw,

Indi si hian thian kan chang ta.

Thiannu Ngurpuii, hmanah khan,

I mitmeng leh i tawngkam kha;

Thian aia thuk zawk min hlanna,

An lo ni reng, ka dawn phak lo,

Kan thinlung lamah inrem si hian,

Kan ke pen lam a rual thei si lo,

Thiam lohna zawng zawng kei min bel la,

Thinrim anka pawh min hlan rawh.

Min nghilh bik lo la, min thlah bik lo la,

Kan dam chhungin nang leh kei hi inremin i awm ang;

Mah se maw, Ngurpui, thian kan nih hriaiin,

Ramri kham chin erawh kan hriat a tul,

Mah se, ka ngai thin che.