Lungkham di lenna

Phuahtu: Hruaia Ralte

Satu: H Lalthakima

A khi chhak vangkhua tlang dum dur khi,

Hmana chhingkhual ni rei ka chamna;

Ka lungkhamber di laitual a lenna,

Awmhar chang ni hian ka thlir vawng vawng.

Theih nise chhingkhual chan leh ka nuam e,

Ka lungkham ram, aw, ka di lenna;

Chuan leh ka nuam e, a khi tlang dum dur,

Awmhar lunglen hi ka bang ngei ang.

Chhingkhual ka channa vangkhaw leng zawngte,

Lamkawia tawn chang lung a leng thin;

"In lo dam em?" tia chawnban vuanin,

Kan hril za nun hlui ngaih suihlunglen.

Lungkhamber tleitir anka nem dam diai,

Tawn leh ka nuam lunglen dam ve nan;

Khuanuleng zara'n tawn ni her leh se,

Runlum nuthai zuapa chan ka nuam.