A pawi kher mang e

Phuahtu: Zoremi Hmar Zote

Satu: Zirtluangpuii

Sul tam a liamin khua pawh a rei ta e,

Mahriak awmhar suihlunglen chang nite hian;

Ka dawn kir thin nun hlui liam hnu,

Cho di chhaia kan vul lai khan,

Kan lo hre si lo maw kan kar hmangaihna kha.

Tunah zawng maw run hran bela khiangawiin,

Biahthu tinkim hrilha hlan a rem tawh lo;

I dam thin maw, ka thian ngaihawm?

Tawn loh kar reng a rei ta e,

Kei pawh khuanu zarah ka dam ve zel e.

Kha chen thangril biahthu di nau ang mu hnu a lo thove,

Tanglaia'n min phuar eng dang ka dawn thei lo;

Engah hmanah biahthu min lo hlan mai loh le,

Dawnin thinlai a na, a pawi kher mang e.

Thiangten sakhmel tawn a rem ve si lo maw,

Lenrual zinga dar ang intawn changte hian;

Chhingmit chai leh nuihiau hmel mawi,

Ka hai bik lo hmangaihna kha,

A riang thinlai dam nan hian a tawk a sin.

Aw le, ka duh lai, hlimten leng nang che aw,

Kei lungmawl vang chuan luaithli nul lul suh aw;

Lengdang tang bei tawh mah ila, 

Nang pawh zuapa chang tawh mah la,

Dai hian a mawi lo kan kar hmangaihna hi.