Aw ka ngai em che

Satu: Lalthansanga Ralte

Zankhua a lo tlai a,

Chhawrthlapui eng ruai hnuaia'n,

Zalengten di run an kai;

Kei kaina laikhum sang,

Tawnmang mawl mai hmachhuanin,

Mahriakten ka lo vai e.

Aw, ka ngai che, 

Aw, ka ngai em che;

Min hnem la, aw Parte, 

Suihlunglen tuar a nem ang,

Mahriakten ka lo vai e.

Vangkhawpui Zonema'n,

Zaleng dawn tuai an tam ngei;

Mahse, rai ka rah vang hian,

Tum tawk leng an piang lo,

Kei ka thinlai lungdam nan,

Tah ruai ruai a awl ngei mai.

A rem lo maw Parte,

Zaleng dang nen nui hiauva;

I sirah ka lo bei hi,

Engan nge maw Parte,

Khiangawi zamual min liam san,

I zunleng ka lo tuar ang.