Hmangaih kan ni

Phuahtu: Jonathan Lianhna

Satu: J Lalruatsangi

Duhdân a nung, chhungrila rum reng si,

Sakhmêl chauh hlim, thinlung chhugril kehchhia;

Hmasawn thei lo kun reng tur hian maw,

Nang leh kei hi Lalpan min din lo.

A duh taka a siam kan nih vangin,

Ruahmanna kan tan a nei;

Lalpan thil tha hlirin min thawhsak thin a,

Lei leh van Lal meuh hmangaih kan ni.

Hlemhlet thulh lo pawn lama Isua tan,

Sual khawih thei reng Lal rawngbawltu hmingpu;

Chanvo uma Lalpa thawhpui lo,

Hetiang tur hian Lalpan min din lo.

Thinlung lam tlâwm, a hruaia awm reng thin,

Lalpa lam tang, a tana nun hmang ngam;

Thildang aia Isua thlang ringtu,

Hei hi a ni Lalpan min dinchhan.