Changtunu pual

Phuahtu: Rokhumbeu

Satu: Rokhumbeu 

Ka thlir, ka thlir i sakhmel mawi,

A tha chungchuang, aw, kei ka tan;

Hrilhfiah rual loh biahthu di min hlan,

Echimloh ka tan an chang.

Ka thlir, ka thlir i bahsam sei,

Zotui thiang iang a luang del del;

I koki pela luang thla chu,

Lungchimte,n, aw, ka thlir reng.

"Ka kiangah nang, i kiangah kei"

Ti chung zela hun tin chhiarin;

Lungngaih ruahpui sur hnuaiah,

Hulhliapa tan i hlau lo'ng.

Thlipui angin, aw, i tawnah,

Rinhlelhna lo hrang vel mahse;

Ka thiamthu di ka sut ngai lo,

Ngaihngamten tual leng rawh.

Kar lam hlain tuanna dang se,

Rinawmna kha vawng reng rawh aw;

Tawh leh ni a her leh ang a,

Lungchimte'n ka kuangkuah ang che.

Kumpui sul veiin khua rei se,

A nep ngai lo'ng ka hmangaihna;

A thar zel zawk ang tuk tinin,

Tawp ni a nei ngai lo'ng.