Duhaisam ram

Phuahtu: Joseph (Jojo)

Satu: Lenglai

Laikhuma zalin ti hian ka dawn a,

Duhaisam ram nuam chu;

Khartung sawnin thlen ka nuam ngei,

Ka thinlung lalna hmunah,

Tawn ka nuam ngei e aw,

Ka lairil luahkhattu,

Sirva ianga thlawk a,

Rihsang mual khuma thang bovin.

Dai ngai loh ram tin fang velin,

Chung thang van pawl ri riai;

Kumtluang run han chang mai teh se la,

Tak ram khaidiatin min chelh si.

Hlim leh mawinate'n par fung chawiin,

A riang hi min lo lawm;

Tahchuan ka tawng ta ka duhthusam ngei chu,

Mit zawng a tlung ngei mai,

Tawnmang ram mai em ni?

Tak ram chan hma loh zawng,

Ka suangtuah zel nang e,

Nemte'n min chawi la,

Chung thangvanah khian riahrun i rem dun ang.

Dai ngai loh ram tin fang velin,

Chung thang van pawl ri riai;

Kumtluang run han chang mai teh se la,

Tak ram khaidiatin min chelh si.

Zan thiang reh hnuaiah,

Lam velin siar eng no nen chuan;

Lelthang leh rimawi riin min awi,

Kumtluang run i chang thei lo'm ni?

Duhaisam tawnmang mawl mai maw,

A riang lunglawm nan;

He thinlung chhungrilah hian,

Tak ram i chang si.