Khawvel mawina

Phuahtu: Pastor Biakhnuna (Myanmar)

Satu: Janet Pari

Tur nipui eng mawi lo chhuak lenkawla'n,

Thlirin tlang tin mual tin a mawi mang e;

Chawr tin duah thing leh par mawi tinreng pawh,

An vul chiai e, Khuanuleng remruatin.

Aw, an mawi mang e, khawvel mawina hi,

A mawi hluan e, chung Khuanu leng ruatin;

Hringfa zalengten i par mawi kan tlan,

Vul reng ang che, hringfate lungdam nan.

Han thlir ilangin van dum pawl riai saw,

Tlang tina'n romei chhum a kai chiai e;

Hramthiam va lengten thing tin zar belin,

Chung Khuanuleng fakin an lo awi e.

Tlaitla lenkawl eng mawi senruai hnuaiah,

Bawh arte'n siang an lawi khua lo tlaiin;

Zan thiang chhawrthlapui, siar lungrual pawh,

Chung thangvan zawlah an leng lungrualin.