Lal fa ka lo ni

Phuahtu: Pastor Elson J Thiek

Satu: Kanan Kohhran Pavalai Pawl

Mi sang tam takin Tlantu hre lova,

Muan taka nun an hman laiin;

Pathian nung Krista hmutu leh changtu,

Ka lo ni mai hi ka va han lawm em.

Hlim leh lawmin ka lam der der ang a,

Hnehna hla mawi chu ka rem ang;

Khawvelin an hriat loh nun ka nei,

Amen! A va ropui em, Lal fa ka lo ni.

Hmingthan, chawimawina, rosum zawng aiin,

A hlu zawk ka nun Krista hi;

Ka chhungril damna ka lawmna ber chu,

Vanah khian ka hming ziak a ni si a.

Ka nun min fiahtu hrehawm buainaten,

Nitinin min hual vel mahse;

Krista hmangaihna ropui tak mai chuan,

Min then tawh ngai lovang ka dam chhungin.

Rethei riangvai angin leng mah i la,

Ram tha zawk ka nei vanah khian;

Van khua leh tuia hlan kai ka ni ta,

Chawng ka chen ta e "Halelui" tiin.