Lo kir leh rawh

Phuahtu: Ethel Varte

Thluk siamtu: Maruata Hnamte

Satu: Ethel Varte

Mampui, ka duhsam ber chu e,

A thlawn mai an chang ta si maw?

Mahse, ka dem lo che a sin,

Kei ariang lungmawl vang a ni.

Lendun leh hi ka nuam a sin,

Mahse, rem hi ka ring si lo;

Kei ariang lungmawl vang a,

Sam ang then che ka zuam lul lo,

Nghilh zai relin lo kir leh rawh,

Nang lo chuan ka tlei zo lo'ng.

Zankhua a lo tlai hianin e,

Kan run riangte mahte'n ka bel;

Nang ngaih lunglen tuar a har ngei,

I sakhmel tawn tur awm si lo.

Sakhmelmawi, tawn chang nite hian,

Lam ang leta'n ka ring ngam lo;

I hmangaih biahthu di chu,

Lengdang tawna'n hlan mai suh aw.

Ka hmangaihna che lo haiin,

Kum kha leh chen ka lo hmang liam;

Min ngaidam thei lo'm ni, lungrun,

Lam ang lo let leh mai ta che.