Tlawngawl

Phuahtu: Rokhumbeu

Satu: Rokhumbeu

Zingtian khua a lo var a,

Vate hramthiam ka kianga'n lo kalin;

"Bawihte, tho tawh rawh, khua a var tawh a,

Dar nga hian a nghak lo che,

Dar hian a nghak lo che!" min ti.

Laikhum nem ka phatsan a,

Ka chun nunnem ka kiangan lo kalin;

"Natna i nei em ni, engin nge mawlh che a?

Zingkarte i hmuh ve tak?

Hringfate i bum!" min ti.

Chung tur ni a lo sang a,

Ka zuapa chuan ka dara ben pahin;

"Hetiang teh taka riltam hrep ai chuan,

Tukthuan kha han buatsaih la,

I duh chuan ka pui ang che" min ti.

Tlaitla eng mawi ka thlir vel,

Khartung sawn lo va ka din laiin;

Ka hming lam ngeia min ko thawm ka hria,

"Chhung inkhawm kan nei dawn,

Hmanhmawh rawh, thuai vat!" an ti.

Zan Lalnu'n thangvan a mawi,

Ka phatsan hnu ka laikhum bel leh in;

Chawlh hahdam tumin ka chhingmit ka chhing a,

"Zing tianah rawn lang leh la,

Vate hramthiam" rilruin ka ti.