Vanglaini (Debashree sak)

Phuahtu: Rualthankhuma Chhakchhuak

Satu: Debashree

Lenrualte u, in dam thin a maw?

Sakhmel tawn loh kar a rei vawng vawng;

In dawn ve thin em? In ngai ve thin em?

Khua hmuna dar ang lenlai nite,

Kei chuan e, ka ngai vawng vawng thin.

Vanglaini par ang vul lai ni

Ngaiin lunglen zai ka sa e,

Vanglaini, aw, kan hlim lai ni,

Zantiang tawnmang an chang zo ta maw.

Tinkim ka dawnin ngaih lai a zual thin,

Mitthlaan a cham vanglainite;

Mangan lai pawh hnem tawn zelin aw,

Lungrual hlimten lenlai nite,

Kei chuan e, ka ngai vawng vawng thin.

Lenrual duhte u, chung khuanu lengin,

Min veng tawn zel se, fanau malsawm nen;

Rimawi tin rema hlim zai vawr zain,

Hmun mawiah kan la lawi za ang a,

Chuailo par iang a vul turin.