Adawt (Ngawl vei zunah a uai an ti che)

Phuahtu: AG Ralte

Satu: AG Ralte Ft Richie Fanai

Chawl tui ning zu dawnin a thar leh thin,

Enchim loh thapar iang Adawti;

A-i emaw ka dam thei lo,

Min hmangaihtu ber ka hliam vang.

Min ngaithiam rawh, min ngaithiam rawh,

Min ngaithiam rawh, Adawti;

Min ngaithiam rawh, min ngaithiam rawh,

Min ngaithiam rawh, Adawti.

Kei vanga tlang sel i dawn zawngte,

Ngawlvei zunah a uai an ti che;

Mahse, nang chuan i tuar zel a,

Hlim ni kawl a en beiseiin.

Kumsul a vei, ngaih ni bang lo,

Nang chhingzo reng ka tawn si lo;

I sakhmingin lamin ka au ruai che,

Ngaihthiam thu reng ka dawng si lo.

Tunah kan kar a tawp ta,

Sakruang zawng inthen mahse;

Englai pawn maw, Di,

Lairil hian a then lo che.

Di dang i tawng nge ni?

Suanglungpui ang i sak mai ni;

Annem der tal min hlan la,

Lunglai tlemin a dam mahna.